![Inspired by Iceland Inspired by Iceland](https://www.seeds.is/img/inspired_by_iceland.jpg)
Morgunblaðið - Sjálfboðaliðar á ferðinni á Kópaskeri
23.06.2006
Kópasker | Sjálfboðaliðar frá samtökunum Seeds dvelja á Kópaskeri þessa dagana. Þeir munu aðallega vinna að hreinsun á umhverfinu, t.d. í fjörum.
Hópurinn, sem samanstendur af 13 ungmennum frá átta löndum, hélt kynningarfund í skólanum þar sem unga fólkið kynnti sig og starfsemi Seeds og bauð upp á ýmsa rétti og kökur, hver frá sínu landi, en einnig gafst þeim færi á að smakka svið og hákarl.
Kópaskersbúar og nágrannar fjölmenntu á kynningarfundinn, sem var mjög skemmtilegur og maturinn góður. Á myndinni er hópurinn ásamt hópstjóranum, Oscar Uscátegui frá Kólumbíu, lengst til hægri, en hann er Kópaskersbúum að góðu kunnur fyrir störf sín sl. tvö sumur með Veraldarvinum.
![Morgunblaðið - Sjálfboðaliðar á ferðinni á Kópaskeri](https://www.seeds.is/files/press/big/05_Morgunbladid_Sjalfbodalidar_a_ferdinni_a_Kopaskeri.jpg)