Viltu láta gott af þér leiða, koma á nýjar slóðir, kynnast framandi menningu hitta nýtt fólk og skemmta þér? Sjálfboðaliðasamtökin SEEDS senda reglulega hópa af íslenskum ungmennum til þátttöku í spennandi verkefnum með stuðningi Youth in action áætlunarinnar. Langar þig til að vera með í slíkum hópi?

SEEDS munu senda hópa til eftirfarandi landa árið 2012: Ítalíu, Spánar, Lettlands, Austurríkis, Frakklands, Póllands, Þýskalands, Sviss, Slóveníu, Bretlands, Armeníu og Portúgals

Þar sem ungmennaskiptin njóta styrkja frá Evrópusambandinu greiða þátttakendur eingöngu hluta af ferðakostnaði (oftast um 70%) og fá frítt fæði og húsnæði meðan á verkefninu stendur. SEEDS tekur 20.000 króna umsýslu- og þáttökugjald af þeim sem valdir verða til fararinnar hverju sinni.

Peniche, Portúgal 24. mars – 1. apríl 2012

Umsóknarfrestur er til miðvikudagsins 15. febrúar

Þema og markmið: Þjóðsögur verða í brennidepli í þessu verkefni. Unnið verður út frá þjóðsögum með ýmsum skapandi hætti og mun óformlegum kennsluaðferðum verða beitt, sem leið til að hrista saman fólk af ólíkum menningarlegum uppruna. Þátttakendur munu fá tækifæri til að tjá sig með ýmsum hætti (s.s. margmiðlun, tónlist o.fl.) og kynna þjóðsögur sinna landa. Verkefninu lýkur með sýningu þar sem kynntur verður afrakstur þess.

Skilyrði til þátttöku: Umsækjandi þarf að vera á aldrinum 18-25 ára (hafa náð 18 ára aldri á brottfarardegi) og vera áhugasamur um bókmenntir og listir. Þátttakendur þurfa að hafa gott vald á talaðri ensku.

Þátttökulönd auk Íslands: Ítalía, Malta og Slóvenía.

Aðstaða: Gist verður á farfuglaheimili í bænum og fer dagskrá verkefnisins  einnig fram þar. Þátttakendur þurfa að hafa svefnpoka með sér.

Kostnaður: Skipuleggjendur verkefnisins sjá um allan kostnað við fæði og húsnæði. Auk þess eru þátttakendur styrktir um 70% af útlögðum ferðakostnaði, þó að hámarki 420 evrur, sem greiðast eftir að verkefninu lýkur og kvittunum hefur verið skilað. Umsýslu- og þátttökugjald til SEEDS er 20.000 krónur og greiðist af þeim sem valdir verða til ferðarinnar. Gjaldið fæst ekki endurgreitt.

Umsóknareyðublað (fyllist út á ensku)

Písa, Ítalíu 20.-27. mars 2012

Umsóknarfrestur er til miðvikudagsins 1. febrúar

Þema og markmið: Verkefnið ætti að höfða sérstaklega til íþróttaáhugafólks því það gengur m.a. annars út á hvernig nota má íþróttir sem tæki til að hrista saman ungt fólk af ólíkum uppruna og efla félagslega vitund þess. Lögð verður áhersla á  mikilvægi þess að temja sér heilbrigt líferni, leggja stund á íþróttir og huga að umhverfis- og náttúruvernd.

Skilyrði til þátttöku: Umsækjandi þarf að vera á aldrinum 18-25 ára (hafa náð 18 ára aldri á brottfarardegi), vera áhugasamur um umhverfis- og félagsmál og hafa gott vald á ensku.

Þátttökulönd auk Íslands: Grikkland, Tyrkland, Tékkland, Ítalía og Spánn.

Aðstaða: Gist verður á farfuglaheimili í miðbæ Pisa.

Kostnaður: Skipuleggjendur verkefnisins sjá um allan kostnað við fæði og húsnæði. Auk þess eru þátttakendur styrktir um 70% af útlögðum ferðakostnaði, þó að hámarki 315 evrur, sem greiðast eftir að verkefninu lýkur og kvittunum hefur verið skilað. Umsýslu- og þátttökugjald til SEEDS er 20.000 krónur og greiðist af þeim sem valdir verða til ferðarinnar. Gjaldið fæst ekki endurgreitt.

Umsóknareyðublað (fyllist út á ensku)