Hér má finna umsóknareyðublað fyrir SCI verkefni, tekið er við umsóknum á netfanginu outgoing@seeds.is.

Hvar og hvenær: Þessar einstöku vinnubúðir munu fara fram í Nepal í 3. - 13. apríl 2013.

Þema og markmið: Í þessum vinnubúðum munu þátttakendur ferðast frá Kathmandu til Pokhara og ganga þaðan til Jomsom. Á leiðinni munu þeir aðstoða við að hreinsa rusl af gönguleiðinni og stuðla þannig bæði að umhverfisvernd og fegrun svæðisins. Þátttakendur munu einnig taka þátt í fræðslu um umhverfisvernd.

Skilyrði til þátttöku: Þessar vinnubúðir eru ætlaðar einstaklingum 20 ára eldra sem hefur reynslu af útivist og þolir vel áreynslu. Þátttakendur verða að hafa gott vald á talaðri ensku. Ætlast er til að þátttakendur mæti vel búnir til útivistar með viðeigandi fatnað og fylgihluti. Æskilegt er að umsækjendur hafi reynslu að sjálfboðaliðastörfum.

Aðstaða: Þátttakendur munu stunda miklar göngur og gista í fjallakofum á leiðinni. Þátttakendur munu fá tækifæri til að kynnast menningu landsins og og hitta tíbetska lama en lama er trúarlegur titill sem gefinn er kennimeisturum og andlegum fyrirmyndum í tíbetskum búddisma.

Kostnaður: Þátttökugjald er 680 evrur en innifalið í því er fæði, húsnæði og tilfallandi gjöld. Þátttakendur standa sjálfir straum af ferðakostnaði og greiða einnig fyrir kostnað vegna ferðatygginga og bólusetninga sé þess þörf. Upplýsingar um bólusetningar er hægt að nálgast hér.

Umsýslu- og staðfestingargjald SEEDS er 10.000 kr. og greiðist þegar umsókn er lögð inn.

Annað: Íslenskir ríkisborgarar eiga möguleika á að fá landvistarleyfi við komu til Nepals en þó er ekki gagnkvæmur samningur á milli landanna tveggja. Áhugasömum er bent á að hafa samband við sendiráð Nepals í London og leita sér upplýsinga.

Smelltu hér til að fá nánari upplýsingar um verkefnið (á ensku).

Hafir þú áhuga á að taka þátt í þessu verkefni hafðu þá samband við okkur á outgoing@seeds.is.

Aðstaða: Þátttakendur munu gista í kynjaskiptum herbergjum í hefðbundnum húsakosti heimamanna. Aðstaða á gistiheimili endurspeglar aðbúnað heimamanna; gist verður í svefnpokaplássi á gólfdýnum og líklega verður takmarkaður aðgangur að rennandi vatni og rafmagni. Er þetta gert í þeim tilgangi að gefa sjálfboðaliðum raunsærri mynd af því hvernig er að búa á svæðinu. Þátttakendur munu vinna í um 6 klst. alla virka daga og fá frí um helgar. 

Kostnaður: Þátttökugjald fyrir þetta verkefni er 300 evrur. Innifalið í því er þátttökukostnaður, far til og frá flugvelli, fæði og húsnæði auk umsýslukostnaðar o.fl. í Kenía. Þátttakendur fá að auki afhent skírteini fyrir þátttöku að verkefnu loknu.
Umsýslugjald SEEDS er 10.000 kr. og greiðast þegar umsókn er lögð inn.

Þátttakendur standa sjálfir straum af ferðakostnaði og greiða einnig fyrir tilfallandi kostnað t.d. vegna ferðatygginga og bólusetninga sé þess þörf. Upplýsingar um bólusetningar er hægt að nálgast hér.

Annað: Íslenskir ríkisborgarar eiga þess kost að fá 3 mánaða vegabréfsáritun við komuna til Kenía en það getur tekið tíma að fá afgreiðslu. Mælt er með að umsækjendur kynni sér vel skilyrði fyrir vegabréfsáritun og hafi samband við sendiráð Kenía í Stokkhólmi til að fá nánari leiðbeiningar.

Smelltu hér til að fá nánari upplýsingar um verkefnið (á ensku).

Hafir þú áhuga á að taka þátt í þessu verkefni hafðu þá samband við okkur á outgoing@seeds.is.

Uppgvötvaðu Sunderban

Hvar og hvenær: Þessar vinnubúðir munu fara fram í Sunderban skóginum í Bangladesh dagana 14. - 25. ágúst 2013.

Þema og markmið: Í þessum vinnubúðum munu þátttakendur aðstoða við gróðursetningu trjáa í skóginum auk þess að taka þátt í verkefnum sem ætlað er að auka vitund um hlýnun jarðar, umhverfisvernd og heilsu meðal íbúa svæðisins.

Sunderban skógurinn er stærsti mangrove skógur heims og er á heimsminjaskrá UNESCO. Í skóginum er að finna fjölbreytt dýralíf en þar er meðal annars að finna Bengal tígrisdýr auk 41 annara tegunda spendýra, 150 fiskitegunda, 270 fuglategunda og 35 tegundir af eðlum.

Skilyrði til þátttöku: Þetta verkefni er ætlað einstaklingum 20 ára og eldri. Mikilvægt er að umsækjendur hafi gott vald á talaðri ensku.
Bangladesh er eitt fátækasta ríki Asíu og margir verða fyrir miklu "menningarsjokki" við komuna til landsins. Mikilvægt er að umsækjendur eru meðvitaðir um félags- og efnahagslegar aðstæður í landinu. Hafa skal þó í huga að sjálfboðaliðastarf í Bangladesh gefur einstakt tækifæri til að kynnast allt öðrum aðstæðum en við eigum að venjast í vestrænum löndum og getur verið mjög gefandi og þroskandi lífreynsla fyrir einstaklinga sem taka þátt með rétta hugarfarinu.

Aðstaða: Þátttakendur munu gista í svefnpokaplássum í skóla á svæðinu þar sem þeir hafa aðgang að sameiginlegri snyrtiaðstöðu. Athugið að hér er um að ræða hreinar en frumstæðar vistaverur.

Kostnaður: Þátttökugjald í verkefninu er 150 evrur en í því er innifalið fæði og húsnæði á meðan vinnubúðunum stendur. Þátttakendur standa sjálfir straum af ferðakostnaði og greiða einnig fyrir kostnað vegna ferðatygginga og bólusetninga sé þess þörf. Upplýsingar um bólusetningar er hægt að nálgast hér.
Umsýslu- og staðfestingargjald SEEDS er 10.000 kr. og greiðist þegar umsókn er lögð inn.

Annað: Íslenskir ríkisborgarar eiga möguleika á að fá 15 daga vegabréfsáritun við komuna til Bangladesh. Áhugasömum er bent á að leita sér upplýsinga hjá ræðismanni landsins í Reykjavík eða hjá sendiráði Bangladesh í Stokkhólmi. Sjá heimasíðu Utanríkisráðuneytisins. 

Smelltu hér til að fá nánari upplýsingar um verkefnið (á ensku).

Hafir þú áhuga á að taka þátt í þessum vinnubúðum hafðu þá samband við okkur á outgoing@seeds.is.

Sumarbúðir fyrir hreyfihamlaða

Hvar og hvenær: Þetta verkefni mun fara fram í Slóveníu dagana 28. ágúst - 2. september 2013.

Þema og markmið: Í þessu verkefni munu sjálfboðaliðar aðstoða innlend samtök við framkvæmd á árlegum sumarbúðum fyrir hreyfihamlaða en skjólstæðingar samtakanna eru flestir bundnir hjólastól eftir erfið veikindi eða slys. Sjálfboðaliðarnir munu sjá um að elda máltíðir fyrir þátttakendur og halda vistaverum hreinum en þeir munu einnig taka þátt í hinum ýmsu dægradvölum á meðan sumarbúðunum stendur.

Skilyrði til þátttöku: Mikilvægt er að þátttakendur hafi gott vald á talaðri ensku og séu jákvæðir í fasi. Leitað er eftir sjálfboðaliðum sem hafa áhuga á málefnum hreyfihamlaðra og hafa gaman af því að vinna með öðrum. Samtökin eru tilbúin til að taka við sjálfboðaliðum sem sjálfir eru hreyfihamlaðir.

Miðað er við að umsækjendur hafi náð 21. árs aldri við upphaf verkefnisins en samtökin eru tilbúin til að gera undantekningar og taka á móti yngri einstaklingum sýni þeir fram á mikinn áhuga fyrir verkefninu.

Aðstaða: Gist verður í kynjaskiptum vistaverum á svæðinu.

Kostnaður: Enginn þátttökukostnaður er fyrir þetta verkefni. Sjálfboðaliðum verður séð fyrir fæði og húsnæði á meðan á sumarbúðunum stendur auk þess sem slóvensku samtökin munu sjá um allan kostnað vegna samgangna á meðan sumarbúðunum stendur. Þátttakendur sjá sjálfir um ferðakostnað sinn til Slóveníu sem og annan tilfallandi kostnað, svo sem vegna ferðatrygginga.

Umsýslu- og staðfestingargjald SEEDS er 10.000 kr. og greiðist þegar umsókn er lögð inn.

Smelltu hér til að fá nánari upplýsingar um verkefnið (á ensku). 

Hafir þú áhuga á að taka þátt í þessum vinnubúðum hafðu þá samband við okkur á outgoing@seeds.is.