EVS er stytting á European Voluntary Service og er hluti af styrkjaáætlun Evrópusambandsins sem kallast Evrópa unga Fólksins.

Með EVS býðst ungu fólki að vinna sjálfboðaliðastörf erlendis í allt að 12 mánuði. Með þátttöku í slíku verkefni er stuðlað að auknum þroska og samstöðu á milli ungmenna. Ávinningurinn er fjölþættur því að auk þess sem samfélagið sem unnið er fyrir nýtur góðs af verkefninu, öðlast sjálfboðaliðarnir aukna þekkingu, læra nýtt tungumál og kynnast annarri menningu en þau þekktu áður.

Veittir eru styrkir til utanfara sem samsvara 90% af ferðakostnaði og fá þátttakendur fæði og húsnæði á meðan verkefninu stendur ásamt vasapening sem er mismunandi eftir löndum.

Á heimasíðu Evrópu Unga Fólksins finnur þú lista með öllum þeim verkefnum sem í boði eru. Þú skalt gefa þér tíma í að leita eftir þeim verkefnum sem hæfa best þínu áhugasviði.

Hvernig á að sækja um?

Hér að neðan er umsóknarform sem skal fylla út á ensku og senda okkur ásamt eftirfarandi skjölum:

Ferilskrá: Þar koma bakgrunnsupplýsingar um þig, ásamt menntun, starfsreynslu, sjálfboðaliðastörfum og aðrir hæfileikar (tölvur, listir, tungumál, þekking á tilteknu sviði...) Ferilskráin skal vera á ensku.
Motivation letter: 3-4 efnisgreinar þar sem koma fram upplýsingar um þig. Afhverju þú vilt fara sem sjálfboðaliði og af hverju í þetta tiltekna verkefni. Bréfið þarf því að laga að hverju verkefni fyrir sig sem sótt er um í. Bréfið skal vera á ensku.

Sækja um